web counter
LEXO PA REKLAMA!

SHKARKO APP

App Store
Google Play

Humbjet në zgjedhje/ Starmer jep dorëheqjen

22 Qershor 2026, 10:41, Kosova & Bota CNA

Humbjet në zgjedhje/ Starmer jep dorëheqjen

Keir Starmer jep dorëheqjen si kryeministër dhe udhëheqës i Partisë Laburiste.

"Do të jap dorëheqjen si udhëheqës i Partisë Laburiste", ka deklaruar Starmer jashtë "10 Downing Street".

Gjatë ditëve të fundit, Starmer ka analizuar situatën politike dhe presionin në rritje brenda Partisë Laburiste. Kjo vjen pas rikthimit në Parlament të Andy Burnham, i cili tashmë konsiderohet kandidati kryesor për të marrë drejtimin e partisë dhe të qeverisë.

Presioni ndaj Starmer-it është rritur pas humbjeve të Partisë Laburiste në zgjedhjet lokale dhe pas suksesit të Burnham në zgjedhjet e pjesshme në zonën e Makerfield, ku ai mposhti kandidatin e Reform UK të udhëhequr nga Nigel Farage.

Brenda Partisë Laburiste ka debate se si duhet të realizohet tranzicioni i pushtetit. Disa deputetë kërkojnë që Burnham të marrë drejtimin pa garë të brendshme, ndërsa të tjerë insistojnë në zhvillimin e zgjedhjeve për lidershipin e partisë.

Ndërkohë, ekzistojnë edhe mosmarrëveshje për përbërjen e mundshme të një qeverie të drejtuar nga Burnham, veçanërisht lidhur me postet kryesore ekonomike dhe politikat e emigracionit./ CNA





Lajmet e fundit nga