web counter
LEXO PA REKLAMA!

SHKARKO APP

E fundit!

x

Incidentet në Elbasan/ Policia: Flamur Noka ofendoi komisionerët, shtyu kutitë e votimit

14 Maj 2023, 18:53, Aktualitet CNA

Incidentet në Elbasan/ Policia: Flamur Noka ofendoi komisionerët,

Në dy qendra votimi në Elbasan ka pasur sot tensione.

Policia njofton se sekretari i Përgjithshëm i PD-së, njëkohësisht edhe i deleguari politik në Qarkun e Elbasanit, Flamur Noka, ka shkuar në qendrat e votimit të fshatrave Kuqan dhe Shirgjan.

Sipas bluve, në Kuqan Noka ka ofenduar komisionerët, ndërsa në Shirgjan ka tentuar të shtyjë kutitë dhe është larguar.

Komisionerët nuk kanë kërkuar ndërhyrjen e policisë për tensionet, por sapo kjo e fundit është vënë në dijeni për ngjarjen ka njoftuar Prokurorinë.

“Më datë 14.05.2023, rreth orës 17:00, Policia është njoftuar se në Qëndrat e Votimit të fshatrave Kuqan dhe Shirgjan, drejtuesi politik i koalicionit  “Bashkë Fitojmë“, deputeti F.N. ishte futur në QV-në e fshtatit Kuqan dhe ka ofenduar komisionerët, ndërsa në qendrën e votimit në Shirgjan ka tentuar të shtyjë kutitë dhe është larguar. Nga ana e komisionerëve nuk është kërkuar ndërhyrja e Policisë.

Në lidhje me njoftimin e marrë, është njoftuar menjëherë Prokurori.

Nga ana e Policisë, në drejtimin e Prokurorisë, po vijojnë veprimet verifikuese dhe procedurale në lidhje me të dyja rastet.”, thuhet në njoftim./ CNA.al





Lajmet e fundit nga