web counter
LEXO PA REKLAMA!

SHKARKO APP

E fundit!

x

I ekzekutuan të birin/ Flet babai i efektivit të FNSH: Xhulio kishte shqetësime si gjithë policët

5 Dhjetor 2020, 11:58, Kronika CNA

Martin Prela, babai i efektivit të FNSH, që u ekzekutua në orët e para të mëngjesit të sotëm në autostradën Lezhë-Milot, ka thënë se ata nuk kishin hasmëri me njeri.

Ai shprehet se nuk e dinë kush dhe pse ia kishte vrarë djalin, 26 vjeçarin Xhulio Prela. Martin Prela ka thënë se dje kishte ngrënë darkë me djalin dhe më pas ai kishte dalë nga shtëpia se do të merrte një mik në Rinas.

?E kam takuar mbrëmë, kemi ngrënë darkë bashkë dhe është nisur për në Rinas. Rreth orës 00:00 ka dal nga shpia, pasi në 01:00 do zbriste miku në Rinas. Nuk kemi asnjë hasmëri, Xhulio nuk fliste shumë për punën. Mbante atë që i takonte, çështjet e punës nuk i fliste në shtëpi. Puna edhe mund të jetë shkak, por nuk e di. Disa shqetësime mi pati thënë nga puna, presione, por përgjithësisht janë shqetësime që i kanë të gjithë policët. Përsa i përket mikun që e ka prit nuk kemi asnjë dyshim. Ne nuk e dimë se nga ka ardhur?, është shprehur për Report TV Martin Prela./CNA.al





Lajmet e fundit nga