web counter
LEXO PA REKLAMA!

SHKARKO APP

App Store
Google Play

E fundit!

x

Skandali seksual i mësuesit të matematikës/ Deputeti kërkon dorëheqjen e ministres së Arsimit

11 Prill 2018, 17:52, Aktualitet CNA

Një video perverse e një mësuesi matematike në Fushë-Krujë është denoncuar sot nga ish-kryeministri Sali Berisha.

Pas këtij denoncimi të shumta kanë qenë reagimet nga qytetarët e thjeshtë si deh persona të ndryshëm të politikës dhe jo vetëm.

Me anë të një postimi në rrjetet sociale, ka reaguar edhe deputeti i Partisë Demokratike, Luçiano Boçi, i cili e quan shokuese videon në fjalë.

Sipas Boçit, ky është fundi i edukimit dhe është një goditje fatale psikologjike e fëmijëve.

Në vijim ai bën thirrje që në kushtet të tilla, kur shkolla sipas tij ka pushuar së edukuari, ministrja e Arsimit Lindita Nikolla duhet të japë dorëheqje.

Postimi i plotë:

FUNDI I EDUKIMIT

Shokuese videoja e mësuesit të matematikës në shkollën 9-vjeçare ?Adem Gjeli? në Fushë-Krujë.
Neveria nuk ka fund për ketë skenë.
Një goditje fatale psikologjike për fëmijët, por dhe figurën e mësuesit.
Rast i përsëritur rëndom përgjatë këtyre 5 viteve.

Degradimi dhe çorientimi total i edukimit në shkollat tona, po sjell në frekuecë të shtuar makabritete të tilla.
Më skandalozja është se përgjegjësia mbetet në emra të veçantë, duke i trajtuar rastet si devijanca individuale.
Pa mohuar ketë element, pesha më e madhe e së vërtetës qëndron tek pasiviteti dhe verbëria ministrore.
Edukimi është përmledhur në një orë formale si dhe në futjen e gupeve që nuk kanë asnjë tagër të imponojnë modele suksesi që nuk përputhen me vlerat, virtytin, të mirën, të vërtetën e të bukurën.

Mësuesi vazhdon të konsiderohet dhe trajtohet nga ministria si një keqbërës potencial dhe është shtyrë pothuaj me përdhunë drejt bjerrjes progresive të vlerave që duhet të mbartë. Pasojat nuk po vonojnë.
Ndërsa nxënësi shihet si një ?kalimtar? që pëson çdo idiotësi, qoftë kjo subjektive qoftë kjo ?reformatore? ministrore (idiotësi akoma më të mëdha), brenda një sistemi që ka zhdukur keqazi çdo tabu e kufi.
Kjo e ka spostuar në shumë raste tërësisht qendrën e orbitën e orientimit të tij mësimor e psikologjik.
Sigurisht mësuesi shqiptar nuk është as ky e as rastet si ky.
Janë me mijëra të përkushtuarit, të ndershmit e të vërtetët.
Por drejtuesit politikë të shkollave tona janë shumë të ndjeshëm ndaj sjelljes politike te tyre dhe aspak vëshgues të sjelljes së tyre në klasë.

Stimulojnë paaftësinë, servilizmin militant dhe promovojnë antivlerat e sjelljet asociale.
Nga ana tjetër, mungesa totale e vëmendjes ndaj marrëdhënieve mësues-prindër-nxënës si dhe mungesa e shërbimit psiko-social në shkolla, që mund të parandalojë me sukses çdo abuzivizëm, ka bërë që ?çmenduri? të tilla të gjejnë terren e të shtohen.
Shkolla jonë duket se ka pushuar së edukuari. I ka humbur edukatori e i ka mbetur vetëm letërbërësi e transmetuesi i tekstit mësimor. Më mirë të themi:

Edukimi në shkollë ka marrë fund sepse i është goditur thelbi i funksionit të mësuesit dhe i shkollës.
Për këtë ka një përgjegjës.
Është titullari i ministrisë.
Nikolla duhet të dorëhiqet!!!!! /CNA.al





Lajmet e fundit nga