Protesta e 27 janarit/ “Luftë” numrash mes Lulit dhe Monikës

11 Janar 2018, 08:44, Aktualitet CNA

Protesta e 27 janarit do të jetë më shumë një garë force mes Partisë Demokratike dhe Lëvizjes Socialiste për Integrim sesa një protestë kundrejt qeverisë.

Ditët e fundit ka pasur kritika dhe përplasje në opozitë sa i takon faktorizimit të LSI dhe protesta më shumë do të jetë një betejë brenda opozitës sesa, një tentativë për të rrëzuar Ramën.

LSI në protestat që u bë para Parlamentit ishte më aktive dhe e la në hije PD. Dhe frika e demokratëve është se e njëjta gjë do të ndodhë dhe më 27 janar dhe kështu LSI faktorizohet si partia kryesore opozitare.

Për këtë arsye të gjitha degët kanë nisur përgatitjet për të grumbulluar sa më shumë njerëz, ku synimi është që të jenë më shumë se LSI. Madje Basha ka urdhëruar që të binden të gjithë dhe t?u vihen autobusë falas militantëve që të zbarkojnë në shesh.

Nga ana tjetër, edhe vetë baza është e shqetësuar, se prania e LSI në protestë do ndihmojë në protagonizmin e saj sesa të PD.

Sipas burimeve, në kuadër të këtij shqetësimi që është ngritur nga ana e bazës së PD, gjithashtu, është mësuar se Basha gjatë mbledhjes që mbajti dy ditë më parë krerët e PD në rrethe dhe me aleatët, ka theksuar për këta të fundit, duke u dhënë garanci, se nuk do të ketë asnjë aleancë apo koalicion me LSI por do të këtë thjesht disa bashkëpunime.

Dhe duke u fokusuar tek protesta e përbashkët e 27 janarit, Basha u ka bërë të qartë krerëve të degëve dhe aleatëve që të mbledhin sa më shumë militantë në mënyrë që Partia Demokratike të demonstrojë forcën e saj kundrejt LSI, e cila ka marrë gjithë vëmendjen gjatë këtyre javëve të fundit.

Kryesia e PD në terren për të bindur militantët

Ai që e ka treguar shumë qartë se protesta e 27 janarit është një betejë numrash sesa përballje me qeverinë ka qenë Arben Ristani.

Ai dje ishte i pranishëm në 27 vjetorin e themelimit të degës së PD në qytetin e Beratit, ku u bëri thirrje demokratëve që t?i bashkohen protestës së 27 janarit.

?Nuk presim që ta rrëzojmë që ditën e parë, por presim të kemi pjesëmarrje që të tregojmë se jemi bashkë me njëritjetrin, të tregojmë se jemi shumë, të tregojmë që revolta jonë është, zëri ynë është, që ne ekzistojmë, që ne jemi të fortë, që ne mund t’ia dalim?, u shpreh Ristani.

Basha pret prova bashkëpunimi nga LSI

Vetë kreu demokrat dje gjatë një interviste të dhënë për një media, teksa u pyet për aleancën me LSI dhe qëndrimin e aleatëve, u shpreh se LSI ndonëse ka treguar prova që ka dal në opozitë në protestën 27 janarit, sipas Bashës, ajo do të duhet të tregojë veten dhe qëllimet që ka në të vërtetë.

?LSI ka qenë në pushtet me Edi Ramën, një pjese administratës vijon të jetë pjesë e qeverisë. Ajo që vërejë unë është se LSI e ka peshën e përgjegjësisë dhe nevojën për reflektim për tu përballur me Edi Ramën. Nuk kanë qëndruar deri në nivelin e fjalëve, të paktën këtë kanë deklaruar deri më tani, tashmë protestat që do të vijnë janë një provë që ata duhet ta kalojnë me sukses?, tha ai./Sot