web counter
LEXO PA REKLAMA!

SHKARKO APP

App Store
Google Play

AFP ngre alarmin/ Simboli i Shqipërisë po zhduket

30 Dhjetor 2017, 07:59, Aktualitet CNA

Shqiponja është simboli kombëtarë i Shqipërisë, rrezikon të ngelet shumë shpejtë vetëm në flamur për shkak të zhdukjes. Agjencia e njohur ndërkombëtare e lajmeve AFP, ngre alarmin për zhdukjen e shqiponjës për shkak të gjuetisë.

Në anën e një autostrade kombëtare, vetëm 30 kilometra në veri të kryeqytetit, Tirana, një shitës u ofron shoferëve një shqiponjë me një çmim mesatar prej 7,000-10,000 lekë (55-85 euro, 65-100 dollarë), shkruan AFP.  “Buzardi” është një specie e mbrojtur ashtu si shqiponja e artë.


Tregtari i shqiponjave nuk shqetësohet nga askush, ai po ekspozon shqiponjën e plagosur nga një plumb dhe këmbë të lidhura, kjo është tronditëse.
“Nuk e kam plagosur unë shqiponjën. Blerësit do ta mbajnë atë në një kafaz në një bar apo një restorant”, thotë shitësi i shqiponjave.

Nga katër lloje të specieve grabitqare në Shqipëri, “vetëm një, ‘Egyptian vulture’ mbetet dhe popullsia e saj është zvogëluar shumë”, thotë Mirjan Topi, autor i udhëzuesit të parë të zogjve në Shqipëri.

Po kështu, edhe shqiponja e artë që është simboli kombëtar i Shqipërisë. Sipas ekspertëve, rreth 25 vjet më parë kishte midis 100 dhe 200 çifte të shqiponjave të arta. Ky numër sot është përgjysmuar.

“Ka një rënie dramatike”, thotë Topi. Për biologin Taulant Bino, president i Shoqatës Ornitologjike Shqiptare, shqiponja e artë “është në rrugë drejt zhdukjes”.

Në një shkallë globale, shqiponja e artë (Aquila chrysaetos) nuk klasifikohet si një specie e kërcënuar, sipas Bashkimit Ndërkombëtar për Ruajtjen e Natyrës (IUCN).

Agjencia shkruan se ka pasur një ndalim gjuetie në Shqipëri që nga viti 2014. Autoritetet thonë se janë ndaluar një numër prej 2,000-3,000 gjuetarë italianë, që vlerësohet se kanë vrarë se 150,000 zogj, duke përfshirë edhe zogj grabitqar gjatë dekadës së fundit.

Por ata pranuan, kur u kontaktuan nga AFP, se efektiviteti i moratoriumit është i kufizuar pasi imponon vetëm gjoba. /Shqiptarja





Lajmet e fundit nga