web counter
LEXO PA REKLAMA!

SHKARKO APP

App Store
Google Play

E fundit!

x

Herimet pas akuzave të Tom Doshit/ Prokuroria e Krimeve të Rënda kërkon krerët e politikës

5 Mars 2015, 16:57, Aktualitet CNA

Prokuroria thërret për të dëshmuar kryeministrin Edi Rama, kryeparlamentarin Ilir Meta dhe deputetin Sali Berisha, në lidhje me pretendimet për vrasjen e Tom Doshit.

Kërkesa vjen pas dëshmisë së këtij të fundit dhënë ditën e enjte në prokurori.

?Prokuroria për Krime të Rënda, në vijim të hetimeve të nisura kryesisht për veprën penale ?Vrasja në rrethana të tjera cilësuese, mbetur në tentative?, të filluar në bazë të deklarimeve publike të deputetit të Kuvendit të Shqipërisë, Tom Doshi, ka marrë gjatë ditës së enjte deklarimet e tij, si edhe materialet mbi të cilat ka mbështetur qëndrimin e shprehur në media.

Në bazë të deklarimeve të Doshi, i cili ka deklaruar para grupit hetimor se ndaj tij dhe ndaj deputetit tjetër të Kuvendit të Shqipërisë, z. Mhill Fufi, ka pasur një tentativë për vrasje, Prokuroria për Krime të Rënda e konsideron të rëndësishme për hetimin e plotë të këtij rasti, marrjen e dëshmive nga ana e disa zyrtarëve dhe shtetasve të tjerë, për të cilët Doshi është shprehur se kanë dijeni për hetimin.

Për këtë arsye, Prokuroria për Krime të Rënda fton nesër zyrtarisht për të dhënë deklarimet e tyre lidhur me rrethanat e hetimit, shtetasit, si vijon:

Ilir Meta, Kryetar i Kuvendit të Shqipërisë

Edi Rama, Kryeministër i Republikës së Shqipërisë

Saimir Tahiri, Ministër i Brendshëm

Mark Frroku, Deputet në Kuvendin e Shqipërisë

Mhill Fufi, Deputet në Kuvendin e Shqipërisë

Eugen Beçi, ish-Drejtues i Prokurorisë për Krime të Rënda, aktualisht i komanduar drejtues i Prokurorisë së Rrethit Gjyqësor Elbasan

Po ashtu, në bazë të deklarimeve publike të bëra në sallën e Kuvendit të Shqipërisë, ditën e Enjte (dt. 05.03.2015), të cilat mund të jenë të vlefshme për këtë hetim, Prokuroria për Krime të Rënda fton zyrtarisht të japë dëshminë e tij:

Sali Berisha, Deputet në Kuvendin e Shqipërisë

Në vijim të hetimit, do të ftohen nga Prokuroria për Krime të Rënda për të dhënë deklarimet e tyre edhe persona të tjerë që mund të kenë dijeni për rrethanat e ngjarjes.

Prokuroria për Krime të Rënda ka regjistruar procedimin penal kryesisht për këtë rast në datë 03.05.2015, menjëherë pas deklarimeve publike të z. Doshi. Deri në atë moment, në organin e Prokurorisë nuk ka pasur kallëzim penal, por vetëm disa të dhëna indirekte, të cilat nuk përbënin bazë për fillimin e procedimit penal, në bazë të kerkesave te  Kodit të Procedurës Penale.

Krahas marrjes së deklarimeve të zyrtarëve sa më sipër, Prokuroria për Krime të Rënda po vijon me kryerjen e të gjitha veprimeve të nevojshme proceduriale për të sqaruar plotësisht ngjarjen?, thuhet në një deklaratë të Prokurorisë./





Lajmet e fundit nga