E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dashuria ndaj punës

5 Mars 2015, 12:45, Kuriozitete CNA

Pavarësisht a jeni i sëmurë, i etur, i uritur, pa gjumë, e keni punën në vend të parë – është koha të frenoni. Shumë njerëz e çojnë veten në kufi të durimit kur është fjala për punën, që kurrsesi nuk është mirë për shëndet. As avancimi në punë nuk jep shumë siguri pavarësisht se sa mundoheni, por ajo që është tërësisht e sigurt është fakti që puna e tepërt në një moment e merr haraçin e vet. Puna nën presion, stresi, orari i zgjatur, të gjitha këto reflektojnë direkt në gjendjen shëndetësore të njeriut, në të ardhmen e afërt ose të largët. A i takoni edhe ju grupit të atyre që punën ia nënshtrojnë çdo gjëje, madje edhe vetë shëndetit ? kuptojeni më mirë nga ky artikull.

Dashuria ndaj punës:
Harron të relaksohet – Stresi ndonjëherë mund të jetë i dobishëm, sepse ju mban të zgjuar dhe koncentruar, por edhe të motivuar, por për së tepërmi stres ose stresi kronik do të reflektojë në trupin tuaj.

Ha në lëvizje – Në mes takimeve konferencave, afateve, gjatë rrugës për punë, gjatë rrugës për shtëpi, maniaku i punës nuk e humb kohën duke qëndruar i qetë dhe të hajë si duhet. Ndërsa, shujta e mirë është pikërisht ajo çka i duhet njeriut për të qëndruar me mendje të mprehtë gjatë tërë ditës.

Fle pak – Jo pse vuan nga pagjumësia, por sepse punon kur duhet të pushojë. Madje edhe profesionistët që kanë shumë punë kanë nevojë për shtatë deri nëntë orë gjumë. Pagjumësia mund të na bëjë më nervoz, pamundësojë koncentrimin, dobësojë kujtesën dhe gjykimin. Po ashtu është e lidhur edhe me trashjen.

Nuk ushtron – A duhet të shtohet diçka tjetër përveç që ushtrimet dhe lëvizjet e përditshme të paktën në kohëzgjatjen prej 30 minutash janë të shkëlqyeshme për shëndetin? Maniaku i punës ?nuk ka kohë? për këto.

Punon edhe kur është i sëmurë – Shumë njerëz shkojnë në punë edhe pse janë të sëmurë. Por janë tri arsye pse duhet të qëndroni në shtëpi, transmeton Koha.net ? askush nuk e dëshiron sëmundjen tuaj, do të jeni më pak produktiv dhe keni nevojë për pushim për t?u shëruar.

Pi (për së tepërmi) – Konsumimi i tepruar i alkoolit mund të nxis varësinë, probleme me mëlçi, madje edhe kancer.

Kapërcen kontrollin mjekësor vjetor – Me qëllimin që problemet të vërehen me kohë, të nevojshme janë kontrollet e rregullta te mjeku. Çdo person duhet ta dijë se çka ndodh në trupin e tij.