web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Skuka i jep sërish fitoren Partizanit, të kuqtë mposhtin Bylisin dhe “fluturojnë” në krye

4 Shtator 2022, 17:03, Sport CNA

VIDEO/ Skuka i jep sërish fitoren Partizanit, të kuqtë mposhtin

Partizani ka regjistruar fitoren e tretë radhazi, teksa mposhti minimalisht Bylisin në transfertë. Të kuqtë nga kryeqyteti, iu falën sërish Xhuljano Skukës, i cili ishte autori i golit të vetëm, të shënuar në minutën e 31, pas një skeme nga goditja e dënimit.

Me këtë triumf, Partizani merr kreun e renditjes me pikë të plota, plot 9, pas 3 ndeshjeve të para, ndërsa Bylis zbret në vendin e pestë me 4 pikë.

BYLIS-PARTIZANI 0-1

Skuka 31'

KOMENTI LIVE

90’ Akordohen 6 minuta shtesë

83’ Goditje këndi për Bylisin. Vendasit nuk arrijnë që të shfrytëzojnë siç duhet këtë mundësi

79’ Trajneri Arian Bellai fut forca të freskëta në fushë. Kastrati merr vendin e Maçolit, ndërsa Abazoj futet në fushën e lojës në vend të Qoshkut

69’ Zëvendësim te Bylis. Aldo Teqja debuton me Bylisin kundër ekipit që zotëron kartonin e tij Partizanit. Haremi dëmtohet dhe i lë vendin gardianit tjetër të Bylisit

64’ Qardaku pranë një supergoli. Driblon Bitrin me një finde mjaft të bukur dhe kërkon të gjejë trekëndëshin e portës së mbrojtur nga Rexhepi, por goditja e tij shkon ngjitur me shtyllën

63’ Skuka ka një shans të artë të dyfishojë shifrat, por nuk kalibrohet si duhet për të goditur topin saktë. Skuka shpërdoron kështu mundësinë për të çuar rezultatin në 2-0

59’ Bylisi kërkon golin e barazimit, ndërsa Partizani administron rezultatin dhe zbret rrezikshëm në kundërsulm

52’ Provon edhe Skuka, për gjuajtja e tij përfundon jashtë

51’ Partizani i afrohet golit të dytë me Da Silvan, por gjuajtja e tij përfundon mbi traversë

48’ Bylisi i afrohet golit, por goditja e vendasve përfundon jashtë

46’ Starton pjesa e dytë në Ballsh

45+3’ Një gol shumë i bukur i Skukës, që erdhi pas një skeme të studiuar mirë, i ka dhënë fitoren Partizanit në 45 minutat e para të sfidës kundër Bylisit në “Adush Muça”. Ka qenë një pjese e parë e ekuilibruar, por falë të zakonshmit Skuka “demat” janë në avantazh të një goli.

45’ Akordohen 3 minuta shtesë

40’ Bylisi mundohet që të reagojë, por nuk arrin që të çajë dot mbrojtjen e kuqe

34’ Bylisi pranë barazimit. Një goditje me kokë nga lojtarët e Bylis rrezikon portën e Rexhepit, por topi nuk gjen kuadratin

30’ GOOOOOL PARTIZANI! Zhbllokohen shifrat në Ballsh. Një skemë nga goditja e dënimit nxjerr Xhiliano Skukën të vetëm përballë portierit që çon më pas topin në rrjetë

23’ Cara pranë golit. Provon të devijoj topin drejt portës, por goditja e tij është shumë e lehtë

20’ Bylisi provon të prishë ekuilibrat e takimit me anë të Flamur Ruçit. Megjithatë, goditja e tij nga limitet e zonës shkon jashtë

12’ Ekipet përpiqen të marrin kontrollin e ndeshjes, ka shumë dyluftime dhe asnjë ekip nuk po e mban dot topin për një kohë të gjatë.

3’ Murataj merr kartonin e parë të sfidës për një ndërhyrje të gabuar ndaj Qoshkut

2’ Sërish Skuka shkëputet në krah, futet në zonë, por nuk arrin që të çojë topin në rrjetë

1’ Skuka shkëputet në të djathtë të sulmit të Partizanit, kroson në zonë, por mbrojtja vendase largon.

1’ Nis sfida në “Adush Muça

Partizani, skuadra e vetme me pikë të plota këtë sezon, kërkon suksesin e radhës në Ballsh përballë Bylisit, që është paraqitur shumë mirë në këto dy javë të para të kampionatit, ky ka grumbulluar 4 pikë.

  Formacionet zyrtare:

BYLIS – Haremi; Trumçi, Damçevski, Loran, Qardaku; Maçolli, Ruçi; Qoshku, Antoni Beji, Soza; Kaçorri. Trajner: Arian Bellai.

PARTIZANI – Rexhepi; Hadroj, Bitri, Sota, Buxhelaj; Rrapaj, Murataj, Matondo; Da Silva; Cara, Skuka. Trajner: Giovanni Colella





Lajmet e fundit nga