E fundit!

07:26 Aktualitet

Hekurudha Durrës-Tiranë-Rinas në punë në fund të 2027, nis kërkimi për operatorin privat dhe trenat

Qeveria ka nisur kërkimin për operatorët që do të ofrojnë ...

Rinovimi nuk mjafton, Maignan rrezikon largimin nga Milan-i

5 Qershor 2026, 15:57, Sport CNA

Vera pritet të sjellë ndryshime të shumta te Milan-i, pas një sezoni që u mbyll me vendin e pestë në kampionat dhe pa sigurimin e një vendi në Ligën e Kampioneve.

Pas deklaratave të Rafael Leao-s, i cili ka lënë të kuptohet se mund të largohet pas shtatë vitesh me fanellën kuqezi, tani edhe Mike Maignan po mendon për të ardhmen. Portieri francez, një nga figurat kryesore të skuadrës në sezonet e fundit, po shqyrton alternativat që mund t’i ofrojë tregu europian.

Më 31 janar, klubi zyrtarizoi rinovimin e kontratës së portierit deri më 30 qershor 2031. Marrëveshja e re i garantonte francezit një pagë prej 5 milionë eurosh neto në sezon, plus 2 milionë euro bonuse, duke e vendosur në të njëjtin nivel me Rafael Leao-n sa u përket përfitimeve ekonomike.

Në atë periudhë, rinovimi konsiderohej një hap i rëndësishëm për projektin sportiv të Milan-it. Një rol të rëndësishëm në këtë proces kishin luajtur Massimiliano Allegri, Igli Tare dhe trajneri i portierëve Klaudio Filpi. Marrëdhënia e krijuar mes Maignan dhe këtyre figurave kishte ndikuar ndjeshëm në vendimin e tij për të vazhduar bashkëpunimin me klubin.

Megjithatë, situata ka ndryshuar. Të tre emrat që konsideroheshin pika referimi për portierin francez nuk janë më pjesë e projektit aktual. Në të njëjtën kohë, mungesa e Milan-it në Ligën e Kampioneve ka krijuar pasiguri mbi objektivat sportive të klubit për sezonet e ardhshme.

Në këtë situatë, klubet e interesuara kanë nisur të monitorojnë nga afër zhvillimet. Emri që përmendet më shpesh është ai i Chelsea. Klubi anglez kishte tentuar të transferonte portierin francez edhe më parë, por negociatat nuk u finalizuan.

Nga ana tjetër, Bayern Munich duket më pak i interesuar krahasuar me periudhat e mëparshme. Rinovimi i kontratës së Manuel Neuer ka reduktuar nevojën e klubit gjerman për të kërkuar një portier të ri në afat të shkurtër.