E fundit!

07:26 Aktualitet

Hekurudha Durrës-Tiranë-Rinas në punë në fund të 2027, nis kërkimi për operatorin privat dhe trenat

Qeveria ka nisur kërkimin për operatorët që do të ofrojnë ...

Hysaj beson te Maran: Tani krijojmë më shumë, sulmuesit të çlirohen

5 Qershor 2026, 17:21, Sport CNA

Hysaj beson te Maran: Tani krijojmë më shumë, sulmuesit të

Mbrojtësi i kombëtares shqiptare, Elseid Hysaj, doli në konferencën zyrtare për shtyp përpara ndeshjes miqësore kundër Luksemburgut, ku analizoi situatën aktuale të skuadrës.

Futbollisti vlerësoi paraqitjen e bërë në përballjen e kaluar ndaj Izraelit, pavarësisht rezultatit negativ, dhe shprehu besim të plotë te metodat e trajnerit të ri.

Sipas tij, ekipi ka kaluar në një modul të ri loje që bazohet te agresiviteti dhe krijimi i më shumë rasteve për shënim në portën kundërshtare.

“Ka shumë kohë që nuk ka skuadra të lehta. Të gjitha kanë filluar të luajnë mirë futboll. Duhet të kemi kujdes. Kemi pasur vetëm një ditë për të punuar. Kemi punuar vetëm me video. Shpresoj që këtë ndeshje të shënojmë para portës.

Në fushë jemi të gjithë njësoj. Jemi 11 kundër 11. Kanë lojtarë që kanë kualitet. Duhet të jemi të përqendruar për të marrë fitoren. Ambienti është shumë i mirë. Trajneri ka pak kohë dhe është pozitiv. Është trajner që të jep energji të mirë. Dëshiron të na mësojë një lojë të re agresive. Ambienti është shumë i mirë. Çunat janë gati. Ndeshjen e kaluar mendoj se bëmë mirë. Duhet të kishim shënuar. Futbolli kështu është. Duhet të analizojmë gabimet që kemi bërë. Uroj që stadiumi të ketë shumë tifozë.

Nuk duhet kohë e gjatë për ndryshimin. Jemi lojtarë profesionistë dhe me eksperiencë. Kombëtarja kështu është. Duhet të ambientohesh me trajnerin e ri. Duhet të kuptojmë zgjedhjet që kërkon trajneri. Kam shumë besim që do arrijmë te loja që dëshiron trajneri.

Nga mënyra si luajtëm, kishim shumë raste për të shënuar. Duhet të jemi pozitivë, pasi me këtë trajner besoj se do të kemi shumë raste për të shënuar. Sulmuesit tanë duhet të lirohen nga presioni për të shënuar më shumë. Sulmuesit duhet ta dinë që e kanë mbështetjen tonë.

Kohë nuk është se kemi shumë, por edhe pak jo. Kemi kaluar nga një modul në një të ri. Është një modul të krijojmë më shumë. Unë besoj te zgjedhja e trajnerit. Besoj se do të kualifikohemi në Europian.

Mua nuk më ndryshon shumë, nëse një trajner më flet shumë. Nëse trajneri do flasi, do flasi. Do ishte krenari dhe ëndërr për mua që të arrij nesër ndeshjen e 100. Për mua do të ishte nder dhe krenari e madhe”, deklaroi Hysaj.