web counter
LEXO PA REKLAMA!

SHKARKO APP

App Store
Google Play

“Prurje e Lulit”/ Balla-Shehajt: Ti je ai që futesh qyl në parti si deputet dhe më pas u vjedh të dhënat

2026-01-27 16:14:00, Politikë CNA

“Prurje e Lulit”/ Balla-Shehajt: Ti je ai që futesh qyl në

Gjatë replikave në Kuvend, kreu i Grupit Parlamentar të PS-së, Taulant Balla, tha se Agron Shehaj është dënuar me vendim të formës së prerë për vjedhje të të dhënave të PD-së.

Balla u shpreh se Shehaj, për të cilin tha se ishte prurje e Lulzim Bashës në PD, u bë deputet në atë parti dhe më pas u vodhi të dhënat.

“Sa i përket atij që foli kam në dorë një vendim të një autoriteti të pavarur të cilin ky autoritet e ka dënuar me vendim të formës së prerë se i ka vjedhur Partisë Demokratike të dhënat dhe listat e anëtarëve të kësaj partie të lodhur për fat të keq që zgjedh lloj-lloj njeriu dhe e fut brenda. Në fakt, për këtë Saliu nuk ka faj se ky ishte prurje e Lulit. Unë këtu e kam vendimin dhe të ftoj të çohesh dhe të thuash ka një vendim ku ti dhe partia jote jeni dënuar për vjedhje të dhënave personale.

Dhe nuk po hy te vendimi i Lapajt sepse ai është vendim që ti do ta kundërshtosh në Gjykatë. Kur të marrë vendimin e formës së prerë, tezja e Lapajt të vijë e të flasë për këtë çështje. Unë po flas për këtë. I ke vjedhur PD-së listën e anëtarëve. Imagjino ça je ti. Këta të marrin të fusin qyl deputet dhe ti u vjedh të dhënat dhe u çon pa leje e-mail anëtarëve të PD-së. Turp të të vijë”, tha Balla. /CNA





Lajmet e fundit nga