E fundit!

19:37 POLITICS

Berisha mocks Rama's candidates for "May 14"/ "They were appointed with a sledgehammer, and with irons in their hands"

The head of the Democratic party, Sali Berisha, ridiculed ...

Shpërndanin heroinë dhe drogëra të forta/ Arrestohen dy të rinjtë në Shkodër

2022-12-05 08:41:00, Kronika CNA

Shpërndanin heroinë dhe drogëra të forta/ Arrestohen dy

Foto Ilustruese

Dy të rinj në Shkodër kanë përfunduar në prangat e policisë pasi shpërndanin lëndë narkotike heroinë.

Bëhet fjalë për shtatasit E. S., 21 vjeç dhe A. V., 24 vjeç, të dy banues në Shkodër.

Njoftimi:

Shkodër/Finalizohet operacioni policor i koduar “Weekend”, për goditjen e shpërndarjes së drogave të forta, në doza.

Shpërndanin lëndë narkotike heroinë, të ndarë në doza, kapen në flagrancë teksa lëviznin me automjet, dhe vihen në pranga 2 shtetas.

Sekuestrohet një sasi lëndë e dyshuar narkotike heroinë, e ndarë në doza, gati për shitje.

Specialistët e Seksionit për Hetimin e Trafiqeve të Paligjshme dhe Narkotikëve, të DVP Shkodër, në vijim të punës për parandalimin, evidentimin dhe goditjen e veprimtarisë kriminale të shpërndarjes së lëndëve narkotike në doza, si dhe bazuar në inteligjencën informative se 2 shtetas shpërndanin doza drogash të forta, në qytet, kanë organizuar dhe finalizuar operacionin policor të koduar “Weekend”.

Si rezultat i këtij operacioni, u arrestuan në flagrancë shtetasit E. S., 21 vjeç dhe A. V., 24 vjeç, të dy banues në Shkodër.

Shërbimet e Policisë, në kuadër të operacionit “Weekend”, kanë ndaluar për kontroll, automjetin me të cilin udhëtonin 2 shtetasit e arrestuar. Si rezultat, këtyre shtetasve iu gjet dhe iu sekuestrua në cilësinë e provës materiale, një sasi lënde e dyshuar narkotike heroinë, e ndarë në doza, gati për shitje.

Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme./CNA.al