LEXO PA REKLAMA!

SHKARKO APP

App Store
Google Play

Porositë e Dumanit për vrasje/ Henrik Hoxhaj

2023-05-30 11:38:00, Kronika CNA

Porositë e Dumanit për vrasje/ Henrik Hoxhaj

Henrik Hoxhaj, i penduar i drejtësisë ka konfirmuar në GJKKO dëshminë që ka dhënë më parë për vrasjen e Anxhelo Avdisë dhe Dorian Shkozës, i cili ishte objektiv. 

Hoxhaj është shprehur gjatë dëshmisë së tij se është njohur me Nuredin Dumanin 6 muaj para vrasjes së Shkozës. Sipas tij Dumani i kishte premtuar 60 mijë euro nga të cilat i ka dhënë Hoxhajt vetëm 35 mijë ndërsa pjesën tjetër e ka marrë Elio Bitri.

Hoxhaj tha ndër të tjera se Dumani nuk ishte i pranishëm kur u qëllua Shkoza.

“Me Nuredin Dumanin jam njohur në ditëlindjen e Festim Çolit, rreth 6 muaj para vrasjes së Dorian Shkozës dhe Anxhelo Avdiajt. Aty shkëmbyem numrat e telefonit, dhe kemi folur e takuar. Dumani premtoi 60 mijë euro, nga të cilat më ka dhënë 35 mijë, sepse pjesën tjetër i mori Elio Bitri. Ky i fundit ka qenë në timon, unë te sedilja e pasme e pasagjerit. Kam patur 2 pistoleta 9 mm, ndërsa Bitri një pistoletë me mulli. Objektivi sipas Dumanit ishte Dorian Shkoza, madje ky i ka dalë para Avdylajt për ta mbrojtur kur kemi qëlluar. Me Bitrin s'kam patur komunikim, kur vajta te shtëpia e Nuredinit, e kam gjatur aty dhe jemi nisur drejt vendit të ngjarjes. Dumani s'ishte me ne por vinte rrotull. Kam qëlluar me të dyja armët, edhe Bitri qëlloi njëherë me armën e tij, por nuk e di nëse ka kapur plumbi ndonjërin nga viktimat. Para ngjarjes madje, në shtëpinë e Dumanit, Elio qëlloi, na tha se ishte shkrepje e pavullnetshme. Elio kishte një javë që qëndronte në shtëpinë e Dumanit para atentatit. Me Dumanin, pasi më dha pagesën, jam takuar dhe për planin e vrasjes së Besmir Haxhias”, tha Henrik Hoxhaj./CNA.al

Lajmet e fundit nga