web counter
LEXO PA REKLAMA!

SHKARKO APP

App Store
Google Play

E fundit!

x

Testimi i naftës në Shpirag/ Zbulimi po shkon drejt dështimit

2024-02-13 14:09:00, Aktualitet CNA

Testimi i naftës në Shpirag/ Zbulimi po shkon drejt dështimit

Testimet paraprake në vendburimin e naftës në Shpirag duket se janë larg pritshmërive.

Sipas Kapitali.al dy burime të pavarura nga stafi teknik që punon në terren me testimet kanë bërë me dije se zbulimi po shkon drejt dështimi dhe rezulton ekonomikisht jo rentabël.

Nga ana tjetër kompania Shell e cila është marrë dhe me testimet nuk ka dhënë asnjë informacion zyrtar apo rezultat, pasi testimet po vazhdojnë dhe rezultatet përfundimtare do të bëhen publike në mars.

Po ashtu thuhet se punonjësit janë të shqetësuar për të ardhmen e tyre teksa presin të marrin vesh se cili do të jetë vendimi nga qendra e kompanisë, pas rezultateve zhgënjyese.

Kujtojmë se, testimet përfundimtare në pusin e Shpiragut nisën në dhjetor të vitit të kaluar.

Shpiragu është fusha e vetme aktive ku Shell po kërkon për naftë në Europë.

Kjo i jepte një rëndësi strategjike zbulimit dhe ishte një faktor shtesë inkurajues se Shell do të vazhdonte me prioritet kërkimet në këtë fushë.

Ky zbulim do të ndryshonte ekonominë dhe zhvillimin e Shqipërisë pasi do të ndikonte në disa fusha dhe do të imnvestoheshin 7 miliardë euro për këtë projekt në vendin tonë./ CNA  





Lajmet e fundit nga