web counter
LEXO PA REKLAMA!

SHKARKO APP

App Store
Google Play

Mero Baze konfirmon lajmin e CNA: Escobar mesazh për veprimet kundër SPAK

2024-02-05 20:58:00, Aktualitet CNA
Mero Baze konfirmon lajmin e CNA: Escobar mesazh për veprimet kundër
Mero Baze

Gazetari Mero Baze ka konfirmuar në editorialin e tij shkruar në gazetën Tema lajmin e publikuar sot në CNA ku u raportua mesazhi i fortë i Përfaqësuesit të Posaçëm të Departamentit Amerikan të Shtetit për Ballkanin, Gabriel Escobar.

CNA raportoi se Escobar ka qenë i ashpër në qëndrimin e tij me deputetët shqiptarë në lidhje me hapat e ndërmarrë nga mazhoranca për ngritjen e një komisioni “Ad-Hoc” që do të çonte në kontrollin e SPAK-ut.

Zoti Escobar i ka quajtur të rrezikshme për demokracinë dhe të gabuara veprime të tilla që minojnë besimin dhe ecjen përpara të drejtësisë së re, aq shumë e mbështetur dhe e financuar nga SHBA dhe partnerët evropianë.

Mero Baze i njohur edhe për lidhjet e tij të afërta me kryeministrin Rama dhe mazhorancën në pushtet mes rrjeshtash ka konfirmuar raportimin e CNA-së.

Mero Baze shkruan se: "Nga i vetmi takim që ai mund të priste ndonjë mesazh ka qenë ai i Escobarit me gjithë delegacionin shqiptar, por me që ishin takim kolektiv ai nuk dha ndonjë mesazh special përveç faktit që duhet mbështetur drejtësia e re dhe duhen forcuar raportet mes SHBA e Shqipërisë.

Kështu që përpjekja për të sjellë ndonjë mesazh nga SHBA, nuk ka shumë kuptim se SHBA i jep mesazhet me ambasadën e saj në Tiranë."

Këta rreshta jo vetëm rikonfirmojnë qëndrimin e ShBA, por Baze pranon të vërtetën e mesazhit të fortë të Escobar.

Mesazhi ishte kundër mazhorancës dhe komisionit “Ad Hoc” që po përgatitet nga grupi parlamentar i PS-së.

Një komision kundër SPAK i drejtuar nga Fatmir Xhafaj, veprime skandaloze të pushtetit që ende nuk është tërhequr nga "çmenduria"  Anti-SPAK duke ndjekur rrugën pa krye të 99-çave që kërkojnë marrëzisht kapjen deri në fund të sistemit të drejtësisë./ CNA

 





Lajmet e fundit nga