web counter
LEXO PA REKLAMA!

SHKARKO APP

App Store
Google Play

Dosja “Buka”/ GJKKO pezullon me një vit gjyqin ndaj Arben Ahmetajt

2024-02-16 10:41:00, Aktualitet CNA
Dosja “Buka”/ GJKKO pezullon me një vit gjyqin ndaj Arben
Arben Ahmetaj

Gjykata e Posaçme ka pezulluar me një vit gjyqin paraprak ndaj Arben Ahmetajt për dosjen “Buka sha”.

Ky vendim është marrë nga GJKKO derisa të kapet nga organet e drejtësisë, ish-zvkryeministri, pasi  gjykimi nuk mund të bëhet në mungesë dhe avokatët nuk kanë tagër përfaqësimi për këtë proces, por kanë prokurë të përgjithshme.

Në muajin dhjetor të vitit të kaluar Prokuroria e Posaçme mbylli hetimet për dosjen hetimore ndaj Arben Ahmetajt në lidhje me privatizimin e shoqërisë “Buka” sh.a. 

Ndaj Ahmetajt është ngritur akuza për veprën penale të shpërdorimit të detyrës në vlerë dëmi rreth 7 miliardë lekë.

Prokuroria e Posaçme vijon hetimin për 7 persona të tjerë, përfaqësues të Ministrisë së Financave dhe ndaj biznesmenit Lirim Fezollari, i cili sipas SPAK, edhe përfitoi nga privatizimi në kohën kur Ahmetaj ishte ministër i Financave. Por vetëm këtij të fundit i është komunikuar akuza përmes avokatit të tij.

Nuk kanë qenë të pakta reagimet e Arben Ahemtajt nga arratia për këto akuza. 

Ai ka "shigjetuar" mediat e inceneratorëve, teksa ngre pyetjet se si ka mundësi që lajmi për privatizimin më parë doli nga ato dhe hedh dyshime nëse po tentojnë t’i bëjnë presion që të mos flasë.

Ahmetaj thekson se edhe nëse është ky qëllimi, nuk do të ndalojë së foluri, ndërsa publikoi raportin e ekspertit kontabël dhe dokumentet e firmosura prej tij në vitet 2014, 2015 dhe 2018.

Ish-ministri i Financave i cilëson akuzat e ngritura ndaj tij si një akt të dytë tragji-komedie të politiko-drejtësisë./CNA

 





15:07 TODAY

FOTO/ Lali Eri

Lali Eri veproi fiks ashtu siç ne raportuam. I veshur me k...

Lajmet e fundit nga