web counter
LEXO PA REKLAMA!

SHKARKO APP

App Store
Google Play

E fundit!

x

Blinken “kokë më kokë” me Dumanin/ Përgjigje për ulërimat e Berishës dhe komisionet nën hije të Ramës

2024-02-13 11:52:00, Aktualitet CNA
Blinken “kokë më kokë” me Dumanin/ Përgjigje
Edi Rama dhe Sali Berisha

Juristja, Brisida Gjikondi ka folur rreth vizitës së Sekretarit Amerikan të Shtetit Antony Blinken që do të zhvillojë në Shqipëri mes datave 14-17 shkurt dhe takimi kokë më kokë që ka kërkuar me kreun e SPAK, Altin Dumanin.

Gjikondi, gjatë fjalës së saj në një dalje mediatike ka nënvizuar se nuk ka ndodhur kurrë që një përfaqësues i Shtetit Amerikan të takojë një titullar të një institucioni të drejtësisë në Shqipëri dhe fakti që po e bën është një përgjigje për ish-kryeministrin Sali Berisha për akuzat ndaj këtij institucioni dhe ndaj kryeministrit Edi Rama për komisionet nën heje që po krijon për ta kontrolluar.

Kështu arsyeja e ardhjes së Blinken në Shqipëri sipas Gjikondit është e qartë .

“Reforma në Drejtësi është një investim totalisht i SHBA pavarësisht se mazhoranca hiqet sikur ishte ajo që e hartoi.

Mendoj se ka qenë një kërkesë e kohës Reforma në Drejtësi. Mazhoranca thjesht bëri detyrën pavarësisht se i ka dalë nga duart ajo krijesë. Pikërisht duke ditur ambiciet e kësaj është mazhoranca që kërkon ta fusë prap në shtrat fëmijën që është rritur tani. Ardhja e Blinken ka të bëjë me këtë gjë.

Mendohet se nga agjenda që ai ka kërkuar të ketë një takm kokë më kokë me zotin Dumani në rezidencën e Ambasadës së SHBA mendoj se i konfirmon të gjitha.

Nuk ka ndodhur asnjëherë që një përfaqësues kaq i lartë i Amerikës të ketë një takim me një titullar të një institucioni të drejtësisë shqiptare. Kjo i thotë të gjitha.

Fakti që ai ka gjetur kohën për të takuar zotin Dumani i jep një përgjigje dhe ulërimave të Berishës në Ballkon por rikonfirmon dhe deklaratën non grata që ka bërë para dy vjetësh për Berishën dhe njeërzit mbrapa tij.

Është një përgjigje për zotin Rama dhe komisionet nën hije që ishte përpjektu të ngrinte këto kohë me intrgat që vjen nga njerëz të ndryshëm që vijnë nga bashkia qeveria e të tjerë për të kontrolluar SPAK .

Një javë para se të vinte Blinken kemi patur një deklaratë të forta nga Ambasada e SHBA-së e cila kur ishte në Shkodër e quajti SPAK një gjë të çmuar për shqiptarët.

Mendoj që ardhja e Blinken është edhe për çështjen e Kosovës dhe Ukrainës por edhe për stabilitetin e brendshëm se i duhet që Shqipëria të mos ketë një konflikt”, u shpreh Gjikondi./ CNA





Lajmet e fundit nga