Afera KESH-NOA/ SPAK nis verifikimet, a do t’i shkojë deri në fund skandalit

20 Tetor 2021, 10:04, Aktualitet CNA

Afera KESH-NOA/ SPAK nis verifikimet, a do t’i shkojë deri në

Prej më shumë se një javë, CNA.al, ka denoncuar me dokumente dhe fakte një aferë korruptive, një skandal ku janë përfshirë institucione shtetërore.

Ditë pas dite janë publikuar dokumente nga një dosje masive, që flasin për korrupsion në fushën e enrgjisë e ku dyshohet se janë përfshirë KESH, ish-drejtori Benet Beci, apo edhe Autoriteti i Konkurencës.

Skandali e ka zanafillën tek firmosja e një kontrate mes KESH dhe kompaninë NOA-Energy, të firmosur me datën 4 Mars 2021, për të përfunduar, gjithçka më pas, shpejt e shpejt, në mënyrë të mjegullt në datën 4 maj të vitit 2021.

CNA.al ka kryer një investigim dhe ka verifikuar çdo të dhënë, të konfirmuar edhe nga zyrtarë të lartë të KESH, nga burimet e saj konfidenciale, nga Autoriteti i Konkurencës, për një akt kriminal që po ndodh ditë pas dite dhe e cila çon disa miliona euro në xhepat e një kompanie private dhe jep disa cikërrima KESH-it, i cili në kohë krize, në vend që këtë energji ta fusë në sistemin shqiptar, të ulet çmimi dhe t?iu jepet qytetarëve, çohet jashtë dhe merret pas mesnate.

CNA.al iu drejtuar Strukturës së Posaçme Antikorrupsion me anë të një kërkese për informim, për ta pyetur nëse ex-officio, pra sipas detyrës zyrtare ka nisur ndonjë hetim për këtë skandal.

Sipas detyrës zyrtare do të thotë që nuk pret të shkojë dikush specifikisht me kallëzim penal, por nis verifikimet dhe herimet kur ka indicie.

Dhe në këtë rast nuk bëhet fjalë vetëm për indicie, por ka dokumenta-fakte që CNA.al, i ka publikuar ditë pas dite.

SPAK në përgjigjen për CNA.al thotë se do të vlerësohen paraprakisht dokumentat e publikuara për të parë nëse ka elemente të mjaftueshme për regjistrimin e një procedimi penale.

Në fakt është shokuese përgjigja e SPAK, që edhe pse i ka të gjitha mekanizmat pret që hetimet e mirëfillta të bëhen nga mediat, në vend që të shkojë më tej me këto që ka.

?Në Prokurorinë e Posaçme deri ditën e sotme, datë 18.10.2021(kur është kthyer përgjigja nga SPAK) nuk është paraqitur ndonjë kallëzim penal në lidhje me çështjen ?Për aferën KESH – NOA Energy?.

Në lidhje me dokumentat e publikuara nga ?City News Albania?, për këtë çështje ju sqarojmë se ato do vlerësohen paraprakisht nëse wpërmbajnë elementë të mjaftueshëm për të regjistruar një procedim penal, apo duhet bërë paraprakisht verifikime administrative nga strukturat e kontrollit të brendshëm apo të jashtëm?, thuhet në përgjigjen e SPAK për CNA.al.

Pavarësisht kësaj përgjigjje, pa paragjykuar, mbetet për t?u parë sjellja dhe lëvizja e SPAK ndaj kësaj afere.

Me datën 4 mars 2021, një kompani private NOA Energy i kërkoi KESH-it, një marrëveshje, e cila ka të bëjë me depozitimin e energjisë.

Kur energjia blihet me çmim të shtrenjtë, në kohën e pikut dhe kërkesës më të lartë të kësaj energjie KESH e nxjerr jashtë dhe e merr gjatë natës, kur çmimi është shumë i lirë dhe askush nuk ka nevojë për energji.

CNA.al ka zbuluar se KESH ka aktivizuar një kontratë për shkëmbimin e energjisë elektrike, e cila është në disfavor të kompanisë shtetërore shqiptare.

Një shkëmbim energjie, apo një sasi që KESH duhet t?ia japë kompanisë private NOA Energy, e cila këtë sasi do t?ia kthejë sërish Korporatës, brenda të njëjtës kohë. Pra, brenda të njëjtës ditë, por duke mos përcaktuar oraret.

Skandali, fillon tek oraret e shkëmbimit të energjisë, sidomos gjatë javëve të fundit, kur çmimi i energjisë elektrike në treg, për megavat, thuajse është ?çmendur?. Ka pasur orë piku të energjisë, mbrëmje, pra nga ora 17:00 deri në orën 21:00, që çmimi i energjisë ka shkuar deri në 400 euro megavati.

Dhe kompania NOA Energy merr energji nga KESH dhe e shet. Dhe në rast se bëjmë një llogari të thjeshtë me një mijë megavat energji, një moment me një çmim tregu nga 300-400 euro për megavat, merr si të ardhura në bazë të çmimit në bursë nga 300 mijë-400 mijë euro.

Këtë energji ia kthen KESH-it, në orët e para të mëngjesit. Pra, në orën 4 apo 5 të mëngjesit, kur çmimi në treg është diku më pak se 50 euro.

Çka tregon qartazi se sa më i lartë të jetë çmimi i energjisë në orën e pikut, aq më shumë fiton kompania private që merr energji nga KESH-i.

Dhe kjo energji i kthehet pas KESH-it me një përllogaritje të thjeshtë, me 1 mijë megavat shumëzim për 0.8 cent që merr KESH. Pra, vetëm 800 euro.

NOA, është një kompani e akuzuar për lidhje me nivelet e larta të Qeverisë dhe këtë herë, duket se drejtuesit e KESH i kanë shërbyer qartazi me një kontratë abuzive./CNA.al

Dokumenti/ Si filloi afera KESH-NOA

Afera KESH-NOA dhe heshtja e të gjithëve

SKANDALI KESH – NOA/Zbulohet kontrata korruptive që fundos zyrtarët

Zbardhen të tjera detaje nga abuzimi i KESH/ CNA.al sjell dokumentet, dy institucione përfshihen në skandal

Afera KESH-NOA/ Zbulohen të tjera dokumente

Benet Beci përfshihet në skandal/ Firmosi kërkesën për kontratën abuzive në KESH

Skandali KESH-NOA/ Një aferë korruptive, nga Benet Beci tek institucionet e përfshira