LEXO PA REKLAMA!

SHKARKO APP

App Store
Google Play

E fundit!

x

Afera KESH-NOA/ Zbulohen të tjera dokumente

11 Tetor 2021, 08:49, Ekonomi CNA
Afera KESH-NOA/ Zbulohen të tjera dokumente

Shqipëria është në krizë energjitike. Alarmi u dha nga kryeministri Edi Rama një javë më parë dhe e përsëriti çdo ditë të javës që lamë pas.

Kjo krizë energjitike, nuk trokiti papritur dhe aq sa ka lidhje me tregjet botërore, siç thotë Kryeministri ka lidhje edhe me korrupsionin dhe aferat e dyshimta kriminale të prodhuara nga institucioni shtetëror KESH.

Prej disa ditësh CNA.al ka denoncuar një aferë të dyshimtë kriminale.

KESH edhe pse e ka ditur situatën problematike hidrike, krize ka shitur energji jashtë, kompanisë NOA, në një situatë monopoli dhe me procedura të mjegullta.

Dhe NOA fiton qindra mijëra euro në ditë, dhe miliona euro në muaj, kurse KESH, DISA thërrime.

Ashtu siç kishte paralajmëruar një ditë më parë, CNA.al, po sjell dokumenta të tjera në lidhje me skandalin NOA-KESH.

Dokumentat tregojnë se kompania NOA i ka kërkuar KESH-it, lidhjen e kësaj marrëveshjeje, duke vendosur kushte.

?Referuar shprehjes së interesit për lidhjen e një marrëveshje për shkëmbim të energjisë elektrike dorëzuar pranë zyrave të KESH, me datë 05.03.2021, shoqëria NOA dorëzon draft-kontratën, bazuar mbi këtë propozim?, thuhet në kërkesën dërguar KESH-it, përkatësisht z.Benet Beci.

Më tej në kërkesë radhiten edhe kushtet nga NOA.

?Kapaciteti me lëvrim ?pranin 50 MW. Vëllimi në lëvrim-pranim 40 000 MW, orë në muaj. Me një njoftim paraprak jo më vonë se dhjetë ditë përpara fillimit të lëvrimit NOA do të dorëzojë për XX MW/h, një tarifë prej 0.15 euro MW/h në muaj?, thuhet më tej në akt marrëveshjen e përpiluar nga NOA.

Për më tepër edhe në një procedurë të mjegullt NOA, ka përcaktuar edhe kritere shtesë.

?Ne propozojmë opsionin bazuar në miratimin paraprak për të rritur sasinë e këmbimit në muaj, përveçse disa muajve specifik, si Mars, Prill, Dhjetor dhe Janar, kur bilanci i sistemit është më i brishtë.

Energjia e dorëzuar nga KESH, nuk duhet përdorur për kryerjen e kontratave kundër pjesëmarrësve të tregut shqiptar?, thuhet në klauzolën shtesë të kërkesës së NOA-s.

Dje CNA.al publikoi kërkesën drejtuar në gjuhën angleze KESH-it. Ka qenë ky kërkesë-dokument që më pas ka prodhuar dhe një kontratë të dyshimtë kriminale.

Sot sollëm aktmarrëveshjen, kushtet që kompania private NOA, i dikton një isntitucioni shtetëror, në këtë rast KESH-it.

Dokumenti i dytë vjen pesë ditë pas atij të parit, pra NOA pasi bën kërkesën ka çuar mënjëherë aktmarrëveshje.

CNA.al disponon edhe të tjera dokumenta, të cilat tregojnë se cila është e vërteta në lidhje me këtë skandal midis KESH-it dhe kompanisë private, NOA në një situatë krejtësisht monopoliste, me një kontratë e cila kompanisë private i sillte qindra-milion euro, ndërsa KESH-it disa thërrime.

CNA.al ka mundur të sigurojë edhe fakte, të cilat tregojnë se si KESH është vënë në dispozicion të kompanië NOA, në atë kohë kur institucioni drejtohej nga Benet Beci, sot deputet i Partisë Socialiste.

Kërkesa e parë e NOA-s është bërë me datën 4 Mars 2021, ndërsa z.Beci ka dhënë dorëheqjen me datë  5 Mars 2021. E gjithë procedura ka zgjatur gati tetë ditë deri me datën 12 Mars 2021, kur bordi ka miratuar dorëheqjen e z. Beci.

Me një shpejtësi skëterrë ditë pas dite kalohen dokumenta në të njëjtë ditë, sapo NOA i çon në KESH, ato u çohen autoriteteve të tjera dhe  për gati pak më shumë se një javë gjithçka merr përfundim.

CNA.al  do të sjellë edhe dokumenta të tjera në vijim, të cilat, tregojnë se si është përdorur KESH në favor të një kompanie private dhe të gjithë strukturat e  këtij institucioni janë vënë në dispozicion të saj dhe në fund është firmosur një kontratë e cila ka gjeneruar qindra dhe milliona euro nga kompani shtetërore publike shqiptare në favor të një kompanie private./CNA.al

Dokumenti/ Si filloi afera KESH-NOA

Kontrata kriminale/ KESH, humbje miliona euro me shkëmbimin e energjisë

Thellohet skandali/ KESH humbet miliona euro nga shkëmbimi i energjisë

Zbardhen të tjera detaje nga abuzimi i KESH/ CNA.al sjell dokumentet, dy institucione përfshihen në skandal

Lajmet e fundit nga